By: Joey O. Luces
Subong ang ika-duha nga adlaw sang enrollment sa incoming fourth year students, nga nagsugod kahapon kag magatakop bwas.
Kon basehan ang enrollment sang third year students sa tanan nga kurso sang nagligad nga semester, ginabulubanta nga 150 ang numero sang mga senior students sa pagbukas sang Academic Year 2023-2024.
“Finally, enrolled na ko sa fourth year. Isa ka tuig nalang kag graduate na ako,” ini ang nasambit ni Irone V. Andalecio sang iya mabaton ang iya RF ukon registration form nga may nakatatak “ENROLLED” kaupod ang class cards.
Isa si Irone sa mga nagkadto sa CAPSU Mambusao subong nga adlaw agud magpa-enroll. Siya incoming fourth year na sa kurso nga Bachelor of Science in Computer Science.
Si Irone isa sa mga incoming seniors nga nagakalipay kay gamay nalang ang ila nga pag-antus kag pagsakripisyo sa pag-eskwela kag makatapos na sila sa kolehiyo. Excited man si Irone sa ila palaabuton nga graduation sang ila nga batch.
"Ang amon nga batch wala naka-experience sang graduation sa senior high school kag hopefully, diri sa college makasaka na kami sa stage nga nagasuksok sang toga," dugang pa niya.
Matandaan nga ang mga incoming fourth year students sa sini nga tuig amo gid ang natam-an sang pandemya sang sila nagsugod sang first year sa kolehiyo. Gani amo nalang ang ila kasadya nga maka-umpisa sa fourth year nga balik-normal na ang klase.
Apang mahimo indi tanan nga incoming fourth year o mahambal naton graduating students ang malipayon sa pagsugod sang ila katapusan nga tuig sa kolehiyo. Mahimo nga iban sa ila nagakabalaka kon ano ang nagahulat sa ila matapos nga sila maka-graduate.
Sa mga incoming fourth year students nga kapareho ko, focus lang anay sa aton pa-eskwela. Do not be anxious about what will happen to us after graduation. May mga remaining subjects pa kita nga dapat pasaron kag labi sa tanan nagahulat ang aton THESIS. Matthew 6:34 says “So do not worry about tomorrow; for tomorrow will worry about itself. Each day has enough trouble of its own.
Malayo na pero malayo pa. Ari na kita sa ginatawag nga "exciting part" kag aton lauman nga madamo pa kita sang maagyan nga mga pagtilaw bag-o mabaton ang ginahandum naton nga diploma. Ini ang umpisa sang mahaba pa naton nga pagpanglakaton kag tandaan nga sa aton pagtimakas maabot gid naton ang aton mga handum.
Let’s do this one step at a time. Let’s face every challenge we encounter each day with fortitude and patience. Parte gid sang aton pag-eskwela ang mga kabudlay but don’t lose heart. We will surely make it!
March on, fellow CAPSUnians, and hold on to the dreams of your heart.
Padayun!